主页 > A生活卡 >【必睇】澳门十个复活节吃喝玩乐好去处攻略2018 >
【必睇】澳门十个复活节吃喝玩乐好去处攻略2018

2020-06-13


 一年一度嘅复活节,仲有一个星期就到啦!

今年复活节假期,头叠尾有四日咁多,

唔知各位计划好去边度吃喝玩乐未呢?

想知复活节期间,澳门有咩地方好去、好食、好睇同好玩,

咁您一定要继续睇落去啦!

因为少爷将要介绍十个唔同地方,各有各好玩好食之处。

包括科学馆、渔人码头、旅游塔、JW 万豪酒店、MGM 美高梅、新濠影汇、主教座堂、果阿之夜、凼仔旧城区艺术空间同埋永乐戏院。

首先係「吃」,民以食为天,少爷十分建议去 JW 万豪酒店「名厨都汇 Urban Kitchen」,同埋澳门美高梅「甜点餐厅」及「宝雅座法国餐厅」。

讲甜品,有红丝绒蛋糕、「复活节小兔」蛋糕,包您甜到漏;

讲海鲜,有成个海咁多款式嘅海鲜阵、水煮波士顿龙虾,多款到眼都花埋;

讲高级,有鲍鱼泡饭、法国生蚝、片皮鸭、三文鱼刺身、烤羊腿,最有体面嘅不二之选。

简直就係应有尽有,最啱复活节一家大细齐齐食通街,咁就磨走几个小时啦。

澳门 JW 万豪酒店﹣名厨都汇 Urban Kitchen

【必睇】澳门十个复活节吃喝玩乐好去处攻略2018

名厨都汇_红丝绒蛋糕

【必睇】澳门十个复活节吃喝玩乐好去处攻略2018 

传说中包罗万有的海鲜阵

【必睇】澳门十个复活节吃喝玩乐好去处攻略2018

最够体面的鲍鱼泡饭

【必睇】澳门十个复活节吃喝玩乐好去处攻略2018

无可能会失礼人的片皮鸭

少爷知斋睇图片係唔够,所以準备埋介绍短片畀大家睇埋。(#贴心的少爷)

澳门 JW 万豪酒店「名厨都汇」介绍短片: 

以上图片及短片来源:"}" data-sheets-userformat="{"2":12417,"3":[null,0],"10":2,"15":"Arial","16":10}">

"}" data-sheets-userformat="{"2":12417,"3":[null,0],"10":2,"15":"Arial","16":10}">少爷亦都曾经做过小朋友,知小朋友最锺意既得意又可爱嘅食物,

例如复活蛋,复活兔等等。

作为家长可以不妨考虑带小朋友到澳门美高梅「甜点餐厅」,

试一试佢地嘅精选复活节美馔,

影靓相之余,仲可以 po 上网,攞多D Like 添!XD

【必睇】澳门十个复活节吃喝玩乐好去处攻略2018

 「复活节小兔」蛋糕

锺意食法国菜嘅朋友,或者係波士顿龙虾嘅粉丝,咁就一定要去「宝雅座法国餐厅」,

试一试「水煮波士顿龙虾配耶路撒冷亚枝竹蓉及烤胡椒」,绝对包您话正!

以上图片及

介绍完「吃」之后, 当然要介绍有咩地方好「喝」啦!

澳门随随便便,求求其其係皇朝区,都可以揾到大把好 Club 饮酒啦,做咩要介绍呢间呀?

三个原因。(#扮游作的少爷)

第一,因为印度人调酒师就係劲;

【必睇】澳门十个复活节吃喝玩乐好去处攻略2018

酒保及调酒师 Chetan Gangan

第二,因为食迷你包叹酒就係正;

【必睇】澳门十个复活节吃喝玩乐好去处攻略2018

左:咖喱鸡迷你汉堡;右:九款之一的鸡尾酒

第三,因为有九款鸡尾酒就係叹。

【必睇】澳门十个复活节吃喝玩乐好去处攻略2018

九款鸡尾酒任君选择

无错!答案呼之欲出,就係啱啱新开无耐,

位于凼仔旧城区的「果阿之夜 Goa Nights」。

最啱就係大朋友同三五知己一齐,係复活节一齐晒月光,

摸摸酒杯底,吹下水,讲下是非,爆下料。

果阿之夜 Goa Nights,试完包您以后唔会再去皇朝区饮酒。

「吃」同「喝」一共介绍咗三个地方,

跟住就要介绍有咩地方好「玩」啦。(#贪玩的少爷)

呢三个地方绝对适合小朋友玩。

第一间係位于澳门科学馆的「科学馆儿童世界」。

【必睇】澳门十个复活节吃喝玩乐好去处攻略2018

儿童世界入口

位于科学馆馆展览中心入口旁边的「科学馆儿童世界」,

以热带雨林为主题,分爲幼儿区及小童区两部分。

幼儿区裹面有小型滑梯、捕鱼攻略及软垫积木等游乐设施,适合2至4岁小朋友;

【必睇】澳门十个复活节吃喝玩乐好去处攻略2018

适合 2 至 4 岁及 5 至 12 岁小朋友游玩

小童区有一座三层高的大型游戏组合「淘气堡」,有绳网、隧道、沙包、彩虹拱桥及软垫积木,最适合5至12岁小朋友。

【必睇】澳门十个复活节吃喝玩乐好去处攻略2018

 如果少爷细个时,有咁好设施玩就好啦。(#歎气)

小朋友唔单止可以尽情享受攀爬、跨越障碍及溜滑梯的乐趣之余,

仲可以锻炼小朋友体能、增强小朋友嘅自信及培养冒险精神。点可以唔带佢地去呀?

入场费十蚊,一位陪同家长免费。

● 费用:

门票类型

票价
 (澳门币)

标準票2-12岁儿童10元特别优惠票18岁或以上照顾者   免费


● 开放时间:

每天共7个场次,逢周四休息,公衆假期照常开放。场次时间上午时段第一场10:00-10:50第二场11:00-11:50第三场12:00-12:50清洁时段13:00-14:00下午时段第四场14:00-14:50第五场15:00-15:50第六场16:00-16:50第七场17:00-17:50 

* 入场人士须穿着袜子,亦可于现场购买。

* 首场购票时间:上午9时45分

新闻来源: 

去完科学馆,不妨带小朋友搭巴士到澳门旅游塔,

欣赏观光塔之余,裹面仲有个名为「复活节缤粉彩蛋池」,

消费满五百蚊或以上,小朋友就可以大玩特玩波波池,仲有工艺坊。

嫌太贵?如果小朋友无畏高,可以带小朋友上去观光塔,睇澳门全景,超靓!

【必睇】澳门十个复活节吃喝玩乐好去处攻略2018

地址:澳门旅游塔

日期:30/03/2018 - 08/04/2018

时间:全日

最后呢个地方啱小朋友之余,仲啱大人一齐玩!免费的。

就係位于新濠影汇嘅「赏金寻龙」。

【必睇】澳门十个复活节吃喝玩乐好去处攻略2018

裹面有好多恐龙模型,仿真度甚高,裹面有只暴龙会郁会叫,

最啱就係影相,扮身处险境,被恐龙追,一流之选!

除咗同模型恐龙有近距离接触之外,

附近仲有个要带 VR 眼镜嘅虚拟体验,

因为所在位置唔太起眼,所以要花时间去揾同埋排队。

少爷玩过,好刺激同埋会有些头晕,老人家尽量唔好去玩,小朋友都玩得。

资料补充:

时间:全日开放(绿幕互动体验「恐龙出逃」及「与恐龙飞翔」之旅开放时间为中午12时至晚上8时)

网页:

查询:(853) 8868 6767 

以上图片及

「吃喝玩乐」黎到最后,就轮到「乐」,

少爷将要介绍嘅活动都比较平静,无太大活动量。

要数文静嘅活动,首选一定係睇戏。

睇完一场戏都已经係一两个钟头后嘅事。

今个复活节档期,少爷最推荐睇《比得兔》。(#有兔仔耳的少爷)

【必睇】澳门十个复活节吃喝玩乐好去处攻略2018

故事大慨係讲比得和宾仔本来同一大班动物住係菜园相安无事,

谁不知新屋主麦奎格先生入伙之后,

竟然要将所有动物赶走,仲要扮好人,讨隔离邻居靓女碧雅欢心。

梗係激到比得火冒三丈啦!为咗要攞番安乐窝,比得一家决定要执行「玩谢麦奎格」行动!

出尽法宝,誓要踢走新屋主!由菜园斗到去伦敦,闹出笑话,人兔大战最后结果係点呢?(#少爷觉得係打和,曾志伟配音)

有森美同陈豪配音,实笑到「兔」痛,睇戏最佳之选。

暂时少爷 check 过,澳门大会堂同永乐戏院一定会上映《比得兔》,其它戏院就未知。

以上

当然有少爷,有 trailer 睇!

转载自:Youtube﹣

第八个地方要介绍就係凼仔旧城区艺术空间,名为「癫噹畅游凼仔旧城区」。

斋睇字好难解释,不如先睇完短片介绍。

 短片来源:

由凼仔城区文化协会独家呈献,澳门首个以香港人气卡通猫「癫噹」为主题的《癫噹畅游凼仔旧城区》创意艺术展览,

展出多达五十幅澳门学生于2017《癫噹畅游凼仔旧城区》创意艺术比赛中得奖同埋优秀作品。

咁好嘅展览,点可以唔带充满想像力嘅小朋友,去睇下可爱又得意嘅「癫噹」呢?

【必睇】澳门十个复活节吃喝玩乐好去处攻略2018

资料补充:

时间:中午12时至晚上8时 (逢週一休馆)

网页:

查询:(853) 2857 6118

电子邮箱:

以上图片及

话咁快就黎到压轴必去之处,就係有鼎爷(李家鼎)坐镇嘅「香港工展会.澳门」展览。

【必睇】澳门十个复活节吃喝玩乐好去处攻略2018

今年工展会依然係渔人码头举行,届时推广大使鼎爷就会亲临渔人码头,示範厨艺。

期间当然唔少得精彩嘅「工展小姐」表演,仲有幸运大抽奖及「BB疯狂大扫货」比赛。

哗!咁究竟係BB比赛,定还是係家长疯狂扫BB野呢?

需要买新厨具、服装、饰物、美容保健品、食品同野饮嘅朋友,记得去渔人码头啦!

「香港工展会.澳门」展览宣传短片:

详细资料:

日期:至4月2日(星期五至星期一),4天

开放时间:

星期五至星期日 上午11时至晚上9时

星期一 上午11时至晚上7时

(展会每天结束前30分钟及最后一天结束前1小时停止参观人士进场)

地点:澳门渔人码头会议展览中心(地址:澳门友谊大马路及孙逸仙大马路)

入场费用:免费

免费穿梭巴士:

详情请到

环保小Tips: 请自备购物袋 <﹣﹣﹣睇黎现场攞胶袋要畀$$$

以上宣传短片、图片及资料来源均来自: 

最后,要记得番点解会有「复活节」呢一回事。

就係为咗纪念耶稣为咗我地人类,被钉上十字架,死后第三日复活。(#严肃的少爷)

所以每年天主教都会响复活节期间,举办「耶稣圣尸出游」,今年亦唔例外。

届时,耶稣圣尸圣像会由主教座堂出发,

经过议事亭前地、板樟堂前地及主教巷等地,最后返回主教座堂。

除咗天主教徒之外,沿途都会吸引唔少居民和旅客加入。

呢个独特的宗教仪式,是天主教信仰的重要传承。

【必睇】澳门十个复活节吃喝玩乐好去处攻略2018

日期:3月30日

时间:下午5时30分

地点:澳门主教座堂

网页:

查询:(853) 2837 3643

经过少爷介绍嘅十个澳门「吃喝玩乐」好去处之后,

相信各位已经心裹有数要去边度玩玩食食,

少爷祝大家有一个开开心心、快快乐乐嘅复活节!

温馨提示:饮咗酒之后,记得切勿揸车。



上一篇:
下一篇:


相关文章
今日焦点
一周热榜